GANGA SAPTAMI 2024 DATE: गंगासप्तमीला गंगा पूजनाने नष्ट होतात पापे, जाणून घ्या तिथी आणि पूजाविधी

Ganga Saptami 2024 Date: हिंदू धर्मात गंगा नदीला विशेष महत्त्व आहे. गंगा नदीला मातेचा दर्जा असून पूजनीय स्थान आहे. गंगा ही अत्यंत पवित्र नदी असून मान्यतेनुसार, गंगेत स्नान केल्याने माणसाची सर्व पापे नष्ट होतात. गंगा मातेसाठी गंगा सप्तमी समर्पित असून या दिवशी गंगा मातेची विधीवत पूजा केली जाते. पंचांगानुसार, गंगा सप्तमी वैशाख महिन्याच्या शुक्ल पक्षाच्या सप्तमी तिथीला साजरा केला जातो. मान्यतेनुसार, या दिवशी ब्रह्मदेवाच्या कमंडातून माता गंगेचा जन्म झाला होता आणि हा दिवस तिचा प्रकट दिन म्हणून साजरा केला जातो. चला जाणून घेऊया गंगा सप्तमी तिथी, मुहूर्त आणि पूजेचे महत्त्व.

गंगा सप्तमीचे महत्त्व

धार्मिक मान्यतेनुसार, गंगा ही फक्त नदी नसून ती गंगा माता म्हणून पूजली जाते. ब्रह्म देवाच्या कमंडलातून प्रकट झालेली गंगा अत्यंत पवित्र आहे. गंगा मातेची पूजा केल्याने माणसाची सर्व पापे नष्ट होतात. गंगा सप्तमीच्या दिवशी गंगेत स्नान करून पूजा केल्यास पितरही प्रसन्न होऊन आशीर्वाद देतात. धार्मिक शास्त्रानुसार गंगा सप्तमीच्या दिवशी गंगा मातेचा आशीर्वाद मिळवायचा असेल तर ब्रह्म मुहूर्तावर गंगा स्नान केले पाहिजे.

गंगा सप्तमी तिथी आणि मुहूर्त

पंचांगानुसार, वैशाख महिन्यातील शुक्ल पक्षातील सप्तमी तिथी 13 मे रोजी सायंकाळी 5 वाजून 20 मिनिटांनी प्रारंभ होईल. 14 मे रोजी सायंकाळी 6 वाजून 49 मिनिटांनी समाप्त होईल. उदयतिथीनुसार, 14 मे 2024 रोजी गंगा सप्तमीचा उत्सव साजरा केला जाईल.

गंगा सप्तमीला अशी करा पूजा

गंगा सप्तमीच्या दिवशी ब्रह्म मुहूर्तावर गंगेत स्नान करा. त्यानंतर एका भांड्यात पाणी आणि दुधाने गंगा मातेचा अभिषेक करावा. यानंतर फुले, अक्षत आणि चंदन अर्पण करा. नंतर तुपाचा दिवा लावावा. त्यानंतर पापांपासून मुक्तीसाठी गंगा मातेला प्रार्थना करा. असे केल्याने माता गंगासोबत पितरही प्रसन्न होतात आणि आशीर्वाद देतात. यासोबतच व्यक्तीची सर्व पापेही नष्ट होतात. या दिवशी दानाला देखील विशेष महत्त्व आहे.

(टीप - येथे दिलेली माहिती धार्मिक मान्यता आणि गृहितकांवर आधारित आहे. Marathi Times Now News या माहितीचे समर्थन करत नाही. यासाठी संबंधित क्षेत्रातील तज्ज्ञांचा सल्ला आणि मार्गदर्शन घेणे आवश्यक आहे.)

2024-04-30T14:19:16Z dg43tfdfdgfd